Periodización Creto-Micénica

Na Historia Antiga do Próximo Oriente adóitase empregar unha periodización de cuño arqueolóxico, que fai referencia a cambios significativos na cultura material destas rexións. Aínda que sempre é posible afinar moito máis as periodizacións, establecendo todas as fases e sub-fases imaxinables, ademais de variables segundo as diferentes rexións, para comprender a evolución daquelas sociedades entre o IV e IIº milenio a.C., podemos conformarnos con distinguir os tres períodos principais nos que se divide a Idade do Bronce: Bronce Antigo, Medio e Recente (ou Tardío).

Mirando cara ao Exeo, as periodizacións non difiren esencialmente das próximo-orientais máis que nas súas denominacións, que atenden a formas locais. Así, falamos de Minoico para a Cultura do Bronce Cretense e de Heládico para Cultura do Bronce da Hélade (é dicir, Grecia). 
Dentro do Heládico Recente (cando se supón que xa temos escritura), pódese distinguir un sub-período aparte, o Micénico, periodización fundada en criterios lingüísticos, que alude á chegada dos primeiros gregos ao que en adiante será a sede do Helenismo.

Neste cadro expóñense as relacións cronolóxicas mencionadas (clica para ampliar):